Ei kjekk og aktiv veke er over!

26241344356_bbe8d984b7_k.jpg

For 24. gong er Spenningskurset gjennomført. Med mange kjekke aktivitetar på dagtid, og med mykje sosialt på kveldstid. I år hadde vi ny base på Bjorliheimen Hotell. Det var knytt mykje spenning  til dette i forkant. Men Bjorliheimen innfridde og mange konkluderte med at dette var det beste kurset nokon sinne!!

 

Spenningskurset  arbeidar for at barn, unge, vaksne og eldre med ulike funksjonsnedsettingar og hjelpebehov i heile fylket skal få moglegheit til å kome seg ut på ski, nyte vinterfriluftslivet og spenningsorienterte aktivitetar.

Spenningskurset er ein arena der deltakarane får nye relasjonar, spanande utfordringar og rikelege høve til å sprenge grenser, oppleve meistring og glede gjennom fysisk aktivitet i vinterlandskapet. Den populære veka Spenningskurset vart gjennomført på Bjorli i veke 14.

Det var i år påmeldt 65 deltakarar, frå heile fylket. Det er med om lag like mange ledsagarar frå heimkommunane. Og 105 studentar frå Høgskulen i Volda, Møre folkehøgskule og Åbo Akademiet i Finnland er med som instruktørar.

Deltakarane hadde tilbod om å prøve hundespann,  raftingflåte, zip-line, ulike klatrestasjonar og aktivitetsløype. I tillegg var der tre ulike lavvo stasjonar med bål, grilling og tilrettelagt for ein rast.  Deltakarane deltek i ulike ski disiplinar som langrenn, alpint, telemark og snowboard, i tillegg har dei som vil mellom anna høve til å prøve pulk, sitski og anna spesialutstyr.

Den siste dagen er det Bjorli Open, då «konkurrerar» deltakarane i ulike disiplinar, som langrenn, aking og alpint. Til slutt er det premieutdeling med gullmedalje og diplom til alle saman.

Deltakarane, ledsagarar og instruktørane hadde ei aktiv og lærerik veke. Det var kun blide fjes som skein om kapp med sola på dagtid, og ein ivrig gjeng som deltok på underhaldning og dans på kveldstid.:)

Om du går heilt ned på sida, og trykker "KLIKK HER" kan du sjå fleire bilete og videoer frå veka.

 

Tusen takk til deltakarar, ledsagarar og instruktørar for ei strålande veke!!

 Vi sjåast til neste år i veke 14!! 

 

 



Frå opninga av Spenningskurset
img_4196.jpg

Det var stor stemning og mykje moro under opninga av årets Spenningskurs.

 

 

 

VELKOMMEN TIL SPENNINGSKURSET

PÅ BJORLI 2016


Vår tidligare tilhaldsstad Bjorli Appartementshotell vart seld ut til private leiligheiter våren 2015, derfor har vi flytta hovudbasen vår til Bjorliheimen Hotell. Dette blir nytt for alle partar, men vi har tru på at det skal bli bra. Vi vil køyre "shuttelbuss" mellom hotellet og skiarenaen.

 Stad:                             Bjorliheimen Hotell

Tidspunkt:                     4.-8. april 2016

Deltakaravgift:              1100,-

Kontonummer:             3910 39 19359

Påmeldingsfrist:           12. februar 2016

NB! Påmeldinga er ikkje gyldig før deltakaravgifta er innbetalt!

Overnatting og kost:

  • Dei fleste romma er dobbeltrom, pluss nokre 5-sengs rom, 4-sengs rom og 3-sengs rom. Her blir det førstemann til mølla.
  • Prisen er frå 370,- til 400,- pr. person pr. døgn, vask ved avreise er inkludert.
  • Alle prisane som er oppgitt er med full pensjon (frukost, niste til lunsj og middag)
  • Leige av sengkle og handdukar kr.60,- pr. sett.
  • Det er veldig viktig at de ved påmelding bestiller til rett antall, deltakarar og ledsagarar.

 

Ved påmeldinga skal de veljast aktivitetsgrein, det vi tilbyr i år er:

  • Langrenn (på tur med ski)
  • Alpint/Telemark
  • På tur utan ski
  • Pulk

Uansett kva aktivitetsgrein du vel får du lov å ver med på dei ulike spenningsorienterte aktivitetane vi har. Som snørafting, hundespann, vintersprang, klatring, hinderløype, aking osv. Desse kan du lese meir om på heimesida til Spenningskurset.

NÅR DU ER PÅMELDT, VIL DU MOTTA EIN E-POST SOM KVITTERING

 

Kontaktperson: May Britt Skjortnes, 40847734, maybritt.skjortnes@gmail.com

 

 

 

Bjorliheimen Hotell
Bjorliheimen Hotell

 

 

 

  

Grassrotandelen

Grassrotandelen gir deg som spelar muligheit til å bestemme kven som skal motta noko av overskotet til Norsk Tipping. Kvar gong du spelar kan du velje å støtte den klubben eller foreininga du meinar fortener det mest!

Vi oppfordrar Spenningskursets venner om legge Spenningskurset som sin mottakar, organisasjonsnummeret er 989717065.

Saman er vi sterke!!!

 

 

 

KLIKK HER!

Klikk på linken for å sjå bilder og videoer frå tidlegare kurs

Prosjektet hadde i 1993 ein litt trong fødsel, men med velvilje frå Høgskulen i Volda, Vestnes Kommune, Møre Folkehøgskule og ISF-Møre og Romsdal fekk ein prosjektet på konstruktive skinner. Gjennom dette tiåret har det difor vore mykje god dugnadsånd og nokre motbakkar, men aller mest entusiasme, trivsel, oppleving og glede.

15_150x150.jpg
img1.jpg
img2.jpg