Bakgrunn

Styret i Spenningskurset

Styreleiar: Eirik Loftesnes                         

Styremedlemmer: Torgeir Dimmen,  Bjørn-Inge Drabløs (Møre og Romsdal Skikrets),  Marte Melbø(Romsdal og Nordmøre Friluftsråd) og Nils Erik Ulset

Dagleg Leiar for Spenningskurset er: May Britt Skjortnes                                   

 

Bakgrunn for Spenningskurset

 

Prosjektet starta opp i 1993 basert på eit samarbeid mellom Høgskulen i Volda, Vestnes Kommune, Møre Folkehøgskule og ISF-Møre og Romsdal. Gjennom dei siste åra har det vore mykje god dugnadsånd og nokre motbakkar, men aller mest entusiasme, trivsel, oppleving og glede.

Prosjektet kunne aldri halde på utan den gode samhandlinga og lagspelet til alle som har vore med. Styringsgruppa vil difor takke alle deltakarane, hjelparane, instruktørane og støttespelarane som har vore med oss gjennom desse snart sytten åra, for godt samarbeid, positiv innstilling og velvilje.

Tradisjonen tru blir "Spenningskurset " ei opplevingsveke med eit spekter av aktivitetar. Det vakre fjellandskapet på Bjorli er som skapt for variert friluftsliv og skiaktivitetar.

Sidan starten i 1993 har målsettinga med dette prosjektet vore å gi deltakarane ei triveleg kursveke med aktivitetar tilpassa deira ulike føresetnadar. Tilpassa opplæring, likeverd og inkludering er grunnpilarane i prosjektet.

Kursveka har som siktemål å prøve å stimulere til auka motivasjon for det å vere i fysisk aktivitet.

Dette vil bli gjort gjennom ei rekkje aktivitetar som spenningsorientert friluftsliv, skikurs, turar i skog og mark, leik, dans,  hundespann og natursti.

Forsking og røynsle har synt at det å oppleve og meistre slike aktivitetar, har ein positiv effekt på både fysiske- og mentale eigenskapar hjå både funksjonsfriske og funksjonshemma born, ungdom og vaksne. Difor ynskjer vi velkomen til alle deltakarar med særskilt behov for tilpassa opplæring, skuleungdom, samt andre som ynskjer å ta del under Spenningskurset. Vi kan love at det vil bli overraskingar, underhaldningsbidrag og nye aktivitetar.

Arrangørane vil med dette få ynskje alle saman hjarteleg velkomen til Spenningskurset som ein vonar skal bli "ein smak av det gode liv", med fysisk aktivitet, utfordringar, "sug i magen" og trivsel i vinterfjellet.

 

I 2009 fekk Spenningskurset Kr.100.000,-  i støtte frå Extra. Helse- og rehabilitering.Det var etter ein søknad som vi kalla "OPPLEVELSE - BEVEGELSE - INKLUDERING." Der vi søkte om støtte til innkjøp av utstyr. Vi er svært takksame for pengestøtta som ga oss moglegheit til å synleggjere www.spenningskurset.no  med ny tilhengar med flott logo. Det er greit å ha eigen tilhengar til alt utstyret vi har skaffa oss. I tillegg vert vi synlege ute på vegen.

Spenningskurset har sidan 2012 fått årleg støtte frå Møre og Romsdal fylkeskommune, kultur.

Siste åra har vi fått støtte frå Kultur- og likestillingsdepartementet.