Kurstilbod

Dei ulike kurstilboda

 

Uansett kva aktivitetsgrein du vel, får du ver med på dei ulike spemmimgsorienterte aktivitetane vi har. Som snørafting, hundespann, zipp-line, klatring, aktivitetsløype, aking osv.

Intensjonane ved prosjektet er at både deltakarar og hjelparar skal kunne nytte mange av aktivitetane i sine heimkommunar i etterkant av kursa, difor ønskjer vi at hjelparane tek del ute i lag med sine deltakarar under kursaktivitetane.

Dei ulike kursgruppene vil vere små med 1-2 deltakarar pr. instruktør. Hugs å ta med godt med klede, tursekk, skiutstyr og evt. pulk. Vi vonar kurstilbodet vi tilbyr er tilfredsstillande og at alle finn noko som passar deira behov.

Dei siste åra har vi omorganisert kurstilboda slik at vi no har fire hovudkursgrupper. Desse er:

Kurs 1. Langrenn (på tur med ski)

Kurs 2. Alpint - telemark

Kurs 3. På tur utan ski

Kurs 4. Pulk

 

A. Alpint/telemark

Dette kurset er for dei som likar å stå på slalåmski og kjøre skitrekk. Vi delar inn gruppene etter kva røynsle og dugleik du har frå før, slik at du får best utbytte av kurset. Tryggleiken står i sentrum, så vi oppfordrar alle til å bruke hjelm i alpinbakken. Kyndige instruktørar vil gi deg god instruksjon og oppfølging under heile kurset. 

 

B. Langrenn

Dette kurset er for dei som likar å gå på langrenn og som vil ha meir fokus på teknikk. Vi delar inn gruppene etter kva røynsle og dugleik du har frå før, slik at du får best utbytte av kurset. Kyndige instruktørar vil gi deg god instruksjon og oppfølging under heile kurset. 

 

 C. På tur utan ski

Dette kurset er for deg som av ulike årsaker ikkje kan gå på ski. Her vil du få høve til å ha med deg tolmodige og positive instruktørar, som tek deg med på vitjing av lovvo-leir, bygging av bål, grilling og pinnebrød, song og leik. Dersom du vil kan du ta del på dei spenningsorienterte kursa våre som t.d. hundespann, snørafting osv.

 D. Pulk

Dette er kurset for for deg som er avhengig av pulk(den må du ha med sjølv). Her vil instruktørane ta deg med rundt om i løypene, og besøke dei ulike stasjonane.

 

Om dei spenningsorienterte aktivitetane

 

 A. Snørafting

Under denne aktiviteten går det full fart nedover bakkar i store raftingflåter. Dette er både spennande og utfordrande, og gir dei fleste litt ”sug i magen”. Tryggleiken står i sentrum så alle må ha på seg hjelm og følgje instruksjonar frå instruktørane.

 B. Zip-line

Har du hatt lyst til å prøve og kaste deg ut i ”lause lufta” 4-5 meter over bakken, så er dette aktiviteten for deg. Vinterspranget er ei taubane der du blir festa med ein klatresele. Taubana er om lag 40 meter lang, og du sklir avgarde i full fart. Tryggleiken står også her i sentrum så alle må nytte hjelm og følgje instruksjonar frå instruktørane.

 C. Balanseline

Her får du prøve å balansere på ei tynn line 3-4 meter over bakken med god sikring. Tryggleiken står i sentrum så alle må ha på seg klatresele og hjelm, samt følgje instruksjonar frå instruktørane.

  D. Natursti / hinderløype

I skog og mark får du her utfordringar og oppgåver som krev både konsentrasjon og innsats. Du blir utfordra både i fysiske aktivitetar (m.a. trugeløp) og på oppgåver som er knytt til kunnskap om naturen. Samarbeid, innsats og fysisk aktivitet står i sentrum under denne aktiviteten.

E. Hundespann

Hundespann må opplevast for å skjøne kor flott det er. På dette kurset får du høve til å suse avgarde med velvoksne og kraftige trekkhundar. Garantert eit minne for livet!

 F. Utandørs overnatting

Har du eit ønskje om å få innblikk i det gode gamle friluftslivet, da kan ei overnatting i ein stor lavvo gi deg ein heilt særskilt oppleving. I lavvoen (med overnattingsplass til 20 personar) får du høve til å ligge på ein skinnfell i soveposen din, og oppleve prat rundt det knitrande bålet medan den vakre, kalde vinternatta kastar slør rundt stor-lavvoen. Her er det rom for latter og moro, men også refleksjon og ettertanke.